Ytri Rangá vorveiði

Ytri-Rangá sjóbirtingsvæðið nær frá Ægissíðufossi og niður í ós. Helstu veiðistaðir á svæðinu eru Ægissíðufoss (vestan og austan megin), Sandflá, Nýja Gunnugilsbreiða, Gamla Gunnugilsbreiða, Hrafntóftir, Breiðibakki, Húsabakki, Hólmabreiða, Línustrengur, Djúpós, Staur, Straumey og Borg. Gott aðgengi er að merktum veiðistöðum og liggja veiðislóðar að öllum merktum veiðistöðum og þarf veiðifólk sjaldan að ganga langt til að komast að tökustöðum, slóðarnir eru merktir á veiðikortinu.

Sjóbirtingurinn heldur sig gjarnan á djúpum stöðum, nálægt lækjum og skurðum eða við náttúrulega felustaði eins og t.d. grjót.

Sumarhúsið Hallandi: Til að finna sumarhúsið Hallanda er ekið um 1 km niður Þykkvabæjarveg, þar til komið er að fyrstu sumarhúsabyggðinni á vinstri hönd. Hallandi er fyrsta húsið í götunni eftir að beygt hefur verið til vinstri og ekið fram hjá afleggjaranum að Riverfront Lodge.

Akstur að Ægissíðufossi (austan megin): Til að veiða í Ægissíðufossi austan megin skal aka í gegnum Hellu og beygja til hægri inn á Gaddstaðarveg. Eftir um 500 metra er beygt til vinstri inn á malarveg og fljótlega aftur til hægri, áður en haldið er niður að fossinum. Aðeins jeppar eða jepplingar ættu að fara þessa leið.

Athugið! Ef mikið hefur rignt eða snjór leyst hratt, geta sumir vegir og slóðar orðið torfærir eða leðjukenndir. Það er auðvelt að festa bifreiðina í slíkum aðstæðum, svo við mælum ekki með akstri á þeim. Best er að leggja bifreiðinni á öruggum stað áður en aðstæður versna og ganga restina af leiðinni. Þetta á sérstaklega við veiðislóðina sem liggur niður að Ægissíðufossi austan megin. Akstur utan vega er með öllu óheimill.