Vatnasvæði Lýsu – IO veiðileyfi

Vatnasvæði Lýsu, Snæfellsnesi

Almennar upplýsingar

Fjölskylduparadís með góðri laxavon síðsumars.

Vatnasvæði Lýsu er frábær silungsveiðikostur á Sunnanverðu Snæfellsnesi og í bestu árum hafa veiðst hátt í 200 laxar á sumri.

Fyrri hluti sumars veiðist mest af bleikju og urriða en þegar líður á júlí er töluverð laxavon á svæðinu. Á haustin bætist svo sjóbirtingurinn við og er svæðið einna mest spennandi seinni hluta sumars. Þetta er frábær og ódýr kostur fyrir veiðifólk á einum fegursta stað landsins.

Það er mikill fiskur í vötnunum en veiðin er bæði upp og niður eftir veðri og vindum. Laxinn er yfirleitt smálax en allt að 19 punda fiskar hafa veiðst og silungurinn er aðallega frá 400 gr -1.000 gr.

ATH! Öllum laxi skal sleppt

Vatnasvæði Lýsu var lengi vel í umsjá einkaaðila og er það mikið fagnaðarefni fyrir marga að geta loks veitt þar að nýju.

Leiðarlýsing og veiðisvæði

Vatnasvæði Lýsu er fyrir miðju Snæfellsnesi að sunnanverðu, rétt við Lýsuhól. Svæðið er: Torfavatn, Reyðarvatn, Lýsuvatn, Hóp og Vatnsholtsá og lækir sem liggja á milli vatnana. Mesta laxveiðin hefur verið í Vatnsholtsá sem fellur til sjávar á milli bæjanna Ytri Garða og Vatnsholts í Staðarveit. Áin er stutt en í hana fellur áin Lýsa sem á upptök ofan byggðar. Einnig rennur í hana afrennsli nokkurra vatna austur frá ánni.

Veiðisvæðið skiptist í tvö þriggjastanga veiðisvæði og veitt er 6 klst. á hvoru svæði. Skipt í hádeginu eða eftir frekari samkomulagi.

Veiðifólk hittist á bílastæði við Gistiheimilið Langaholt kl. 07:45 að morgni til að draga. Ef hinar stangirnar eru ekki mættar kl. 07:50 þá mega þeir sem eru á undan velja hvar þeir byrja og svo er skipt á hádegi.

Vinsælar flugur

Á vorin: hefðbundnar púpur og straumflugur

Á sumrin, litlar laxaflugur og hefðbundnar púpur og straumflugur fyrir sjóbirtinginn.

Hentug veiðitæki

Nettar einhendur með flotlínu.

Gisting

Engin gisting fylgir veiðisvæðinu er margir skemmtilegir gistimöguleikar eru á svæðinu. Hér má sjá gistimöguleika: GISTING

Staðsetning

Leirá lodge: 64.395303, -21.855431

Fjöldi stanga

6 stangir.

Leyfilegt agn

Fluga og spúnn. Maðkveiði og beita stranglega bönnuð.

Kvóti

Ekki eru takmarkanir á silungsveiði en öllum laxi skal sleppt.

Veiðitímabil

1. júní - 20. sept

Daglegur veiðitími

7:00-13:00 og 16:00-22:00 Frá 20. ágúst 07:00-13:00 og 15:00-21:00

Veiðivarsla

Sigrún Katrín 8987086 og Þór Fannberg 8958987

Skráning afla

Veiðibók er í móttökunni á Langaholti og eru menn skyldir að skrá allan afla í lok dags.