Hólsá Borg

Vesturbakki Hólsár Borg er sennilega eitt besta  4 stanga laxveiðisvæði  landsins með meðalveiði uppá ca 600 laxa tímabil. Fá sjálfsmennskusvæði geta boðið upp á sambærilegar aflatölur og fást úr Hólsá Borg

Flestir þekkja Borgarsvæðið á Vesturbakka Hólsá enda er það eitt af betri 4 stanga veiðisvæðum landsins með rosalega meðalveiði enda ganga árlega um og yfir 10 þúsund laxar í gegnum svæðið á leið sinni í Ytri og Eystri Rangá. Ágætis 4 herbergja veiðihús fylgir seldum veiðileyfum og komast allt að 8 manns í gistiaðstöðuna.

Seldar eru 2 eða 4 stangir saman ýmist frá morgni til kvölds eða í 2 daga hollum.  Þetta er veiðisvæði sem er  kjörið fyrir vinahópa og fjölskyldur sem vilja vera prívat í góðri laxveiði. 

Veiðisvæði, ATH breytingar fyrir 2024

Veiðisvæði Hólsá Borgar nær frá veiðistaðnum Staur rétt fyrir ofan  Straumey  og alla leið niður í Ós.
Bestu veiðistaðir eru, Staurinn, Straumey, Þvottaplan, Borg, Borgabakkar, Raflína og Hólsárós, það er eingöngu veitt með flugu frá opnun til 10. Sept svo er blandað agn frá 10 sept.

Veiðisvæðið er um 5 km langt en flestir eru að veiða efsta partinn.  Nauðsynlegt er að vera á góðum jeppa til að veiða neðsta partinn.