Urriðafoss B svæði

Urriðafoss B, í Þjórsá

Almennar upplýsingar

Þjórsá geymir einn stærsta villta laxastofn landsins og hefur laxveiði verið stunduð þar lengur en elstu menn muna.

Tilraunaveiðisvæðið Urriðafoss B, eins og við köllum það er efsti hluti jarðarinnar Urriðafoss og nær svæðið frá veiðistaðnum Sandholt sem er um 300 metrum fyrir neðan nýju brú og nær upp að gömlu brú.

Það er komin smá reynsla á veiðisvæðið og hafa veiðistaðir eins og Hestvík, Grjótin, Kláfur gefið góða veiði.  Sandholtið kom skemmtilega á óvart í fyrrasumar þegar fór að líða á júlí en þá gerðu menn stórveiði og Sandholtið hélt áfram að gefa í ágúst.

Það er okkur ljóst að töluvert af laxi á heima þarna og hrygnir á svæðinu.
Bestu veiðistaðir eru Hestvík, Kláfur, Grjótin og Sandholt.

Urriðafoss B svæði 2021

2 stanga svæði

1. júní – 14. júlí

Kvóti:  1.-9. júní, 2 laxar á stöng á dag. 10. júní og út tímabilið,  5 laxar á stöng á dag.  

Biðlum til veiðimanna að sleppa stórlaxi.

Veiðisvæðið nær frá Sandholti að efri Brú.

 15. júlí – 30. september

Kvóti 5 laxar á stöng á dag.

Veiðsvæðið styttist, Sandholt dettur út og mun fylgja aðalsvæðinu.  Veiðisvæðið nær frá nýju brú upp að gömlu brú.  

 

 

Leiðarlýsing og veiðisvæði

Veitt á 2 stangir, Urriðafoss B

veiðimenn bera ábyrgð á veiðisvæðaskiptingu en ávalt er veitt með 2 stöngum á Urriðafoss B landi.  Mælst er til að menn skipti á 3 klst fresti eða það sem menn geta sammælst um. Til þess að ákveða veiðisvæðaskiptingu hittast veiðimenn 6.45 á bílaplaninu við gömlu brú, séu menn ekki mættir kl. 6.55 hafa þeir sem eru mættir rétt til þess að velja sé það veiðisvæði sem þeir vilja byrja og svo skipta menn eftir 3 klst.

 
Urriðafoss er ein af náttúruperlum Íslands og menn eru skyldaðir til þess að ganga vel um svæðið og hirða allt rusl.  Ekki er leyfilegt að gera að fiskum við ána. 
 

Þjórsá er stór og mikil og skulu menn hafa fara varlega.   Áin er mjög hættuleg og er mælst til þess að fólk vaði hvorki, né taki aðra óþarfa áhættu. Veiðimenn eru á eigin ábyrgð við veiðar í Urriðafossi.

Við biðjum veiðimenn að umgangast áfengi með gát og ölvun á svæðinu er stranglega bönnuð því hún skapar hættu.  

Vinsælar flugur

Stórar einkrækjur henta ágætlega því oft er svo mikið af laxi á svæðinu að þríkrækjur húkka í fiska.  

Hentug veiðitæki

Vatnið í Þjórsá er jökulvatn og er allflesta daga litað en mismunandi mikið litað. Svo maðkveiði eða veiðar með t.d. túbu og sökku hentar mjög vel. Þá daga sem vatnið er fallegt á litin er einnig hægt að nota venjulegar flugur og útbúnað sem hentar þannig veiðum.

Gisting

Gisting fylgir ekki.

Staðsetning

Kláfabreiða: 63.931322, -20.655428

Fjöldi stanga

2 stangir, seldar saman.

Leyfilegt agn

Veiða má á flugu, spún og maðk.

Kvóti

5 laxar á stöng á dag. Mælst verður til að menn hlífi stórlaxi sé það mögulegt.

Veiðitímabil

1. júní - 15. sept

Daglegur veiðitími

1/6-10/8: 07:00-13:00 og 16:00-22:00. 11-31/8: 07:00-13:00 og 15:00-21:00. 1-15/9: 07:00-13:00 og 14:00-20:00.

Veiðivarsla

Einar 863 3017

Skráning afla

Veiðibók er í kassa við bílastæði, vinsamlegast skráið allan afla.

Veiðikort