Merki Iceland Outfitters IO veiðileyfi Lax Silungveiði Skotveiði Fréttir
Silungsveiði | veiðileyfi

Hólaá Austurey 1

Hólaá er um það bil 7 km. löng og rennur úr Laugarvatni niður í Apavatn.  Áin er sæmilega vatnsmikil og mjög góð veiðiá.  Fæst þar bæði bleikja og urriði – þó meira af bleikju. Fyrri hluta sumars er veiðin blönduð af urriða og bleikju en þegar líður á tímabilið er meiri bleikja á svæðinu. Vaxandi eftirspurn er eftir veiði á svæðinu enda auðvelt að komast þangað, góð veiðivon og náttúrufegurð mikil. Ekki er bílfært meðfram ánni sjálfri svo menn verða að ganga um veiðisvæðið.

Veiðisvæðið Austurey er um 5-6 km langt og byrjar um 200-300 metrum fyrir neðan veiðistaðin Far og nær niður að Apavatni. Eingöngu má veiða sunnan megin við ána eða þeim megin sem Austurey stendur. Ekki má vaða yfir á hinn bakkan sem tilheyrir Laugardalshólum.

Til þess að komast að veiðisvæðinu er keyrt inn veg (364) af Laugarvatnsvegi(37) keyrt er veginn að enda þar til komið er að Austurey 2, þá keyra menn aðeins lengra með bóndabæinn Austurey 1 (Veiðibók) á hægri hönd.  Afleggjari uppá veiðisvæðið er á vinsrti hönd sem liggur upp með veiðisvæðinu, ef þið keyrið þann slóða til enda, ertu kominn ca miðsvæðis á veiðisvæðinu og bóndabærin Laugardalshólar blasir við beint á móti hinum megin við ána.  Þar leggja menn bílnum og hefur veiðst ágætlega á þessu svæði bæði fyrir ofan og líka fyrir neðan á beygjuköflunum.

 

Gisting á svæðinu: hægt er að leigja frábæra bústaði við Bóndabæinn Austurey.... hægt er að skoða nánar á www.austurey.is

.

Leyfilegt agn er fluga, spúnn og maðkur. Mest hefur samt veiðst á flugu á síðastliðnum árum og mjög gaman að nota þurrflugu þegar aðstæður leyfa.

Menn eru beðnir að ganga vel um svæðið, hirða allt rusl og veiða hóflega.

Veiðimenn eru beðnir um að prenta út veiðileyfið og skilja eftir á mælaborði í bílunum sínum þegar menn fara til veiða svo veiðivörður geti fylgst með.

Veiðibók er á bóndabænum Austurey 1. (Skylt er að skrá allan afla í veiðibók)

Bestu Flugur: Snemma á tímabilinu hafa litlar straumflugur verið góðar eins og Black Ghost, Frogg Nobbler, Dýrbítur, Flæðamús o.fl.  Þegar líður aðeins á vorið hafa litlar kúlupúpur í náttúrulegum litum verið mjög sterkar, svartar, brúnar og rauðar.

Veiðivörður: Kjartan Lárusson Austurey 1 S:8988902-4861196