Laxveiði

Hjaltadalsá og Kolka

Veiðileyfi

12 júl. 13 júl. 14 júl. 15 júl. 16 júl. 17 júl. 18 júl. 19 júl. 20 júl. 21 júl. 22 júl. 23 júl. 24 júl. 25 júl. 26 júl. 27 júl. 28 júl. 29 júl. 30 júl. 31 júl. 1 ágú. 2 ágú. 3 ágú. 4 ágú. 5 ágú. 6 ágú. 7 ágú. 8 ágú. 9 ágú. 10 ágú. 11 ágú.
Hjaltadalsá og Kolka
1
1
1
1

Kolka, Hjaltadalsá.

Sjóbleikja með laxavon.
Vatnasvæði Kolku í Skagaf­irði eru árnar Halta­dalsá og Kol­beins­dalsá auk Kolku sjálfrar, en það heita árnar eftir að þær sameinast um 6 km frá ósi.  Árn­ar eru jökulskotnar dragár og geta hlaupið í rigningu og miklum hlýindum.  Sjaldnast verða þær þó svo litaðar að hamli veiðum að ráði. Algengt sumarrennsli í Hjaltadalsá er 10-15 m3. Oft eru góðar sjó­bleikju­göng­ur í árn­ar og hef­ur meðal­veiðin síðustu árin verið á milli 300 til 500 bleikj­ur yfir sum­arið og nokkr­ir tug­ir laxa. Þá veiðist ávallt eitt­hvað af sjó­birt­ingi til viðbót­ar.

Veiðistaðir dreifast um vatna­kerfið, langt inn eft­ir Hjalta­dal og upp að stíflu í Kol­beins­dalsánni, sem gerð var árið 1985 í kjöl­farið á virkj­un við Sleit­ustaði og tak­mark­ar frek­ari fisk­gengd upp ána. Báðar árn­ar eru straum­h­arðar með köfl­um og voru mikl­ir far­ar­tálm­ar áður en þær voru brúaðar. Sam­ein­ast þær svo nokkr­um kíló­metr­um frá sjó og heita þá Kolka,  og renna í hinn sögu­fræga Kolkuós sem eitt sinn var versl­un­arstaður og á því svæði eru fimm merkt­ir veiðistaðir


Staðsetning     
Norðanverður Skagafjörður, í nágrenni Hofsós og Hóla í Hjaltadal. Um 75 km frá Siglufirði, 120 km frá Akureyri og 300 km frá Reykjavík.

Veiðisvæðið     
Vatnasvæði Kolku er skipt í 4 svæði með samtals 4 stöngum.  Saman eru seld tvö og tvö svæði,  þannig að veiðimenn hafi meira svigrúm til veiða.  Annarsvegar eru svæði 1og2 saman og hinsvegar svæði 3og4.  sellt í tveggja daga hollum.  Veiðimenn eru beðnir að hafa veiðileyfi tiltækt við ánna.
Svæðaskiptingu má sjá á veiðikorti.


Veiðitímabil    
20. júní – 20. september

Veiðitími       
Til og með 15. ágúst er veiðitíminn frá kl. 7-13 og 16-22.  Frá 15. ágúst til 20. september er veiðitíminn frá kl. 7-13 og 15-21. 

Agn     
Fluga, maðkur og spónn

Kvóti   
Heimilt er að hirða 6 fiska á vakt eða 12 fiska á dag.

Veiðihús        
Við Efri-Ás er ágætis veiðihús sem fylgir leyfum.  Þar er svefnpláss fyrir 8 manns,  í tveimur svefnherbergjum og á svefnlofti.  

Leiðarlýsing    
Hjaltadalsá og Kolka er um 300 km frá Reykjavík. Ekið er hjá Varmahlíð í Skagafirði og í áttina að Akureyri. Skömmu eftir brýrnar yfir Héraðsvötn er beygt til vinstri (norður) - þar er skilti sem merkt er Hofsós-Siglufjörður. 

Frá Akureyri eru 120 km og er ekið sem leið liggur Öxnadalsheiði í átt til Varmahlíðar,  beygt er til hægri við skiltið sem merkt er Hofsós-Siglufjörður,  rétt áður en kemur að brúnni yfir Héraðsvötn. 

Frá Siglufirði eru um 75 km og er ekið um Strákagöng frá Siglufirði, vestur um Fljót og suður fyrir Hofsós.

Ekin er vegur 76 þar til komið er að skiltinu  ,,Heim að Hólum”. Þar er beygt upp Hjaltadal og ekið áfram þar til komið er að brú yfir Hjaltadalsá. Veiðihúsið stendur við Efri-Ás.  

Veiðibækur      
Alla veiði á að færa í veiðibækur,  annaðhvort þá sem er í veiðihúsinu eða þá rafrænu.  

Umgengni        
Göngum vel um ánna og lífríki hennar. Akstur utan slóða er ekki leyfilegur.