Hólaá, Austurey 1
Hólaá, Austurey 1
Almennar upplýsingar
Hólaá er um það bil 7 km. löng og rennur úr Laugarvatni niður í Apavatn. Áin er sæmilega vatnsmikil og mjög góð veiðiá. Fæst þar bæði bleikja og urriði – þó meira af bleikju. Fyrri hluta sumars er veiðin blönduð af urriða og bleikju en þegar líður á tímabilið er meiri bleikja á svæðinu. Vaxandi eftirspurn er eftir veiði á svæðinu enda auðvelt að komast þangað, góð veiðivon og náttúrufegurð mikil.
Menn eru beðnir að ganga vel um svæðið, hirða allt rusl og veiða hóflega.
Vinsamlegast prentið út veiðileyfið og skiljið eftir á mælaborði á bílnum svo veiðivörður geti fylgst með.
Bóka veiðileyfi
Leiðarlýsing og veiðisvæði
Veiðisvæðið Austurey er um 5-6 km langt og byrjar um 200-300 metrum fyrir neðan veiðistaðin Far og nær niður að Apavatni. Eingöngu má veiða sunnan megin við ána eða þeim megin sem Austurey stendur. Ekki má vaða yfir á hinn bakkan sem tilheyrir Laugardalshólum.
Til þess að komast að veiðisvæðinu er keyrt inn veg (364) af Laugarvatnsvegi(37) keyrt er veginn á enda þar til komið er að Austurey 2, þá keyra menn aðeins lengra með bóndabæinn Austurey 1 á hægri hönd. Afleggjari uppá veiðisvæðið er á vinstri hönd sem liggur upp með veiðisvæðinu, ef þið keyrið þann slóða til enda, ertu kominn ca miðsvæðis á veiðisvæðinu og bóndabærin Laugardalshólar blasir við beint á móti hinum megin við ána. Þar leggja menn bílnum og hefur veiðst ágætlega á þessu svæði bæði fyrir ofan og líka fyrir neðan á beygjuköflunum.
Vinsælar flugur
Snemma á tímabilinu hafa litlar straumflugur verið góðar fyrir urriðan t.d. Black Ghost, Frogg Nobbler, Dýrbítur, Flæðamús o.fl. og fyrir bleikjuna kúluhausar í stærðum 10-12 og hefur t.d. Alma Rún verið mjög gjöful, Pecook o.fl.. Þegar líður aðeins á vorið hafa litlar kúlupúpur í náttúrulegum litum verið mjög sterkar, svartar, brúnar og rauðar.
Hentug veiðitæki
Einhendur fyrir línuþyngdir #5-7. Mest hefur veiðst á flugu á síðastliðnum árum og er mjög gaman að nota þurrflugu þegar aðstæður leyfa.
Upplýsingar
Staðsetning
Veiðihús: hægt er að leigja litla bústaði við ána, á bænum Austurey 1. www.austurey.is
Fjöldi stanga
5 stangir
Leyfilegt agn
Fluga, maðkur og spúnn
Kvóti
Biðlað er til veiðifólks að veiða hóflega og sleppa öllum bleikjum yfir 50 cm þar sem þær eru mikilvægustu hrygningarfiskarnir.
Veiðitímabil
1. apríl - 24. september
Daglegur veiðitími
8:00-20:00
Veiðivarsla
Kjartan Lárusson, Austurey 1 S:8988902-4861196
Skráning afla
Veiðibók er á bænum Austurey 1, skylt er að skrá allan afla í veiðibók